Concentración
contra a actitude dictatorial na Promoción Interna
As Organizacións Sindicais CIG, CCOO, UGT e CSIF,
presentes na Mesa Xeral de Empregados Públicos e na Mesa Sectorial de
Funcionarios/as da Xunta de Galiza,
MANIFESTAN que,
Despois de cinco anos sen promoción interna do persoal funcionario da Xunta de Galiza, a Administración pretende convocar os procesos de promoción interna sen negociación previa.
Despois de cinco anos sen promoción interna do persoal funcionario da Xunta de Galiza, a Administración pretende convocar os procesos de promoción interna sen negociación previa.
Achegan uns borradores de convocatorias que se
asimilan ás probas de acceso libre, cun número de prazas moi reducido.
A Xunta de Galiza simulou unha negociación formal
onde non foron aceptadas apenas as alegacións da parte social da Mesa Xeral de
Empregados/as Públicos. Despois dunha petición conxunta das catro organizacións
sindicais presentes na Mesa Xeral, e dun comunicado das cinco Xuntas de Persoal
funcionario da Xunta de Galiza (A Coruña, Lugo, Ourense, Pontevedra e Servizos
Centrais), solicitando unha negociación real onde non se lesionen os lexítimos
dereitos dos/as empregados/as públicos/as á carreira profesional, a Xunta, en
troques de convocar unha mesa de negociación convoca unha Comisión de Persoal
onde só se permite votar a favor ou en contra dos borradores das convocatorias,
sen que se poidan modificar, e sendo este o punto final antes da publicación no
DOG.
Por todo isto, as catro OOSS así como as cinco
Xuntas de Persoal funcionario da Xunta de Galiza, manifestamos o noso
rexeitamento deste proceder dictatorial do Goberno galego convocando unha concentración,
mañán venres, día 5 de maio, ás 13:30, diante da EGAP onde se
reunirá a Comisión de Persoal.
Manifesto
das cinco Xuntas de Persoal funcionario pola Promoción Interna
Despois de cinco anos sen procesos de promoción
interna, sumado isto a todos os recortes laborais e retributivos realizados
polos gobernos galego e español, a carreira profesional e a promoción
profesional dos empregados/as públicos/as vese gravemente danada.
A proposta deste goberno dun novo modelo de
promoción interna, atenta gravemente contra o dereito dos empregados/as
públicos/as á promoción profesional.
As Xuntas de Persoal funcionario da Xunta de
Galiza non comparten o novo modelo
proposto pola Consellería de Facenda. Entendemos que os cambios
efectuados na Promoción Interna son insuficientes e volvemos a solicitar a
volta ao marco das últimas convocatorias. Non aceptamos un cambio que equipara
baseado nunha comparación absurda coas últimas bases para o acceso libre.
Reiteramos pois a necesidade de establecer a exención de aquelas probas
encamiñadas a acreditar os coñecementos xa esixidos no corpo ou escala de
orixe.
Por todo isto, dende as Xuntas de Persoal
funcionario da Xunta de Galiza de A Coruña, Lugo, Ourense, Pontevedra e
Servizos Centrais, queremos sinalar que:
1. Queremos un sistema de promoción interna REAL e non ficticio.
2. Queremos un modelo de promoción interna que se asemelle ao anterior.
3. Queremos que a promoción interna non sexa un proceso tan gravoso como un de libre.
4. Creemos que a intención do Goberno é dificultar a promoción interna para deixar desertas as prazas.
5. Creemos que o Goberno quere deixar de lado a promoción interna ata implantar os sistemas subxectivos de promoción vertical da LEPG.
6. O goberno non quere negociar, só está disposto a realizar pequenas modificacións (redución dalgúns temas e duración dos exames, etc) que son os límites que se marca nesta negociación. Queremos que o Goberno negocie coas organizacións sindicais presentes na Mesa Xeral dos Empregados/as Públicos unhas bases da promoción interna acordes á realidade.
1. Queremos un sistema de promoción interna REAL e non ficticio.
2. Queremos un modelo de promoción interna que se asemelle ao anterior.
3. Queremos que a promoción interna non sexa un proceso tan gravoso como un de libre.
4. Creemos que a intención do Goberno é dificultar a promoción interna para deixar desertas as prazas.
5. Creemos que o Goberno quere deixar de lado a promoción interna ata implantar os sistemas subxectivos de promoción vertical da LEPG.
6. O goberno non quere negociar, só está disposto a realizar pequenas modificacións (redución dalgúns temas e duración dos exames, etc) que son os límites que se marca nesta negociación. Queremos que o Goberno negocie coas organizacións sindicais presentes na Mesa Xeral dos Empregados/as Públicos unhas bases da promoción interna acordes á realidade.
A
Xunta minte cando manifesta que os recortes non incrementan a sinistralidade e
que non se destruíu emprego público
O Director Xeral da Función Pública manifestou
neste derradeiros días en sede parlamentaria que por mor dos recortes sufridos
co Goberno do Partido Popular non se incrementou o número de sinistros nin se
destruíu emprego público.
Pois ben, dende a CIG-Autonómica queremos
rexeitar estas afirmacións con datos que demostran que o Partido Popular falta
a verdade cando fai estas manifestacións.
No derradeiro ano 2014, o 45% dos accidentes
laborais e das baixas por enfermidade profesional foron na Consellería de
Traballo e Benestar e máis concretamente na ÁREA DE BENESTAR e,
diste 45%, o 85% foron baixas por sobre esforzo. A maiores destes datos que
falan por si mesmo, manifestar que as categorías máis afectadas polos mesmos,
nunha porcentaxe que chega a máis do 90% afecta as categorías de atención
directa ao usuario, é dicir, Auxiliares de Clínica, Coidadores/as e
Camareiros/as-Limpadores/as.
Estes datos de tan alta siniestralidade laboral
directamente relacionados cos sobre esforzos veñen dados pola merma de
efectivos nun número moi elevado.
É neste punto onde o Director Xeral da Función
Pública do Partido Popular volve a faltar a verdade cando manifesta que non se
diminuíu de efectivos de atención directa ao usuario na área de benestar, senón
que, máis alá, incluso se aumentaron. Pois ben, a Lei 1/2012 de medidas non
sector público marca como obxectivo a redución do 15% dos capitulo I dos
Orzamentos da Comunidade Autónoma, o que se traduce no 15% de redución do
número de persoal na área de benestar da Consellería de Traballo, e en números
concretos, en 600 traballadores/as a través de amortizacións e da non
cobertura de xubilacións, algo que obvia o D.X., pero non só este número de
efectivos diminuíu, senón que no ano 2011 estaban a traballar máis de 800
persoas en acumulación de tarefas, é dicir, 800 efectivos máis
que se reducen, algo que non dí o D.X. e que suman unha merma de traballadores/as
na área de benestar da Consellería de Traballo de máis de 1400
traballadores/as.
Istes son os datos reais da situación que estamos
a sufrir os traballadores e traballadoras da Consellería de Traballo e
Benestar, polo que dende a CIG esiximos a reposición de todo o Convenio
Colectivo suspendido unilateralmente polo Partido Popular e, en especial, o
artigo 19 de dito convenio.
Condicións
de traballo en Benestar. Xuntanza do 27/05/2015
O mércores 27 de maio tivemos unha xuntanza para
tratar as condicións de traballo nos centros de benestar. Á xuntanza acudiron o
Director Xeral da Función Pública, a Secretaria Xeral da Consellería e os
diferentes subdirectores.
A CIG non vai aceptar ningún acordo que non teña
unha data concreta de reposición do Convenio Colectivo e en concreto do artigo
19. Indicámoslles que teñen que cambiar as instrucións de elaboración de
carteleiras e ter unha clara vontade política de negociación e non de
imposición. Rexeitamos calquera tipo de contrato de fin de semana ou de media
xornada, xa que entendemos que é traballo en precario, algo que a
Administración non debería consentir.
En definitiva, non ofreceron nada novo e consideramos
que aínda é peor a oferta de prazas que pretenden crear, diminuíndo con
respecto á oferta anterior as prazas en xornada compleata e aumentando as de
fin de semana.
